財務自由?從英國開始

自我介紹

大家好，歡迎嚟到呢個網站，先介紹吓自己，我叫『阿聰』，一直都係一個宅男，結婚後都一樣咁宅，但我唔係鍾意打機玩模型個種宅男，係仲意睇書、煲戲、睇日劇、韓劇、思考人生個種宅。 不過根據高登對宅男同毒男解釋 宅男 = 天生外向，後天內向 毒男 = 天生內向，後天外向 咁我又好似係毒男似啲，但點都好我都係可以成日唔講野，然後享受一個啲世界。 但世事往往係無咁完美，我想一個人好好享受獨處真係無乜機會，自從識咗我老婆，世界就徹底改變，不過係向好個方面，我一定要咁講，如果唔係我老婆唔覺意月睇到呢個網站，我就一定死得😂

域名由來

講返呢個網站，睇個域名（Domain Name）UK Money Freedom就知道係同英國有關，但我係土生土長香港人，搞乜又變咗英國呢？咁大家都應該估到係因為我會全家移民英國，無錯係移民係移居，因為係去咗唔會返來個隻。 咁點解又會個網名叫Money Freedom呢? 因為我見好多朋友過到英國都做唔返老本行，本來香港做開經理，有工人姐姐比佢洗，過到英國就做司機、送外賣、做Amazon務員、做水電工、裝修工人等等，揾錢少一大截，再加上近日英國天氣特別凍，又因戰爭問題搞到電費勁貴，大家每月使費不輕，經濟有壓土之餘，心理都好唔平衡咁。 如上一段提到，自從我識咗老婆結埋婚之後，另我有好大改變，其中一個改變係努力揾錢，所以不同揾錢方法都會去學，無論係幾皮野跟大師學炒股、到６位收跟外國大師學各種網上揾錢方法都有學，學完之後才知道有啲真係好流根本係吹水騙學費，有啲真心覺得堅但無乜人知，好值得同大家分享。

財自生活

我自己雖然已達財務自由，但並不似一些年輕才俊二三十歲已達到，而且可以輕鬆講出他們的成功故事，好像是手到拿來一樣。我自己的財自道路一點也不順利，經過好多血汗努力、跌倒再爬起來才達到今天的我。 我會係呢個Blog同大家分享財務自由的各種方法利與弊，令大家行少好多冤枉路，令大家更快達到財務自由，過理想的生活。

移民英國１０１

講到我們一家三口移民英國，要處理嘅事情當然唔少。雖然見有朋友同，見香港唔對路，就即刻乜都唔諗走人過去先算，雖然無話唔得，乜都可以過到英國先算，但如果可以計劃多少少，做好啲預備功夫會唔會好啲呢？ 我自己做乜都喜歡先做計劃，所以我整呢個Blog就好似真人Show咁，講下我點計劃、做準備、當中預到乜難題? 點去解決？我一家三口，一年多後就會過英國生活，要預幾多錢先夠? 不同資產要點處理? 點先可以最有效益咁利用我手頭資金，去錢生錢？

做任事都要有個大約目標先，咁其實過英國要幾多錢先足夠一家三口用呢？當然個個家庭唔同，但都係有數得計，來來去去都係圍繞住衣、食、住、行。

以下呢個網站就最合用啦，大家方便計數。

https://www.numbeo.com/cost-of-living/country_result.jsp?country=United+Kingdom

當然英國咁大，去邊到落腳，人人都有自己心水，我就算校網OK，生活配套齊全等等考慮因素。我之後會係到同大家分享。

整個Blog咁花時間為乜呢？

老老實實整個網站都要花時間，咁為乜呢? 第一我想將我由香港到英國這個人生大事做一個完整記錄。第二係我想將我想法、經驗和大家分享，從而讓大家認識到揾錢其實有好多方法，既然都決定去另一個地方大擔一搏，從新適應新生活，何不再跳出Comfort Zone，試試一些可以另大家財務自由的方法呢? 雖然當中一定會遇到大大小小問題，但累積經之後，就可以排除萬難，走向康莊大道！所以我會把我的經驗（無論成功失敗）分享給大家，希望大家可以從另一個角度看人生。

想知如何達到財務自由就請睇 財務自由三步曲